今日唔知自己做緊咩。聽日ＭＩＤＴＥＲＭ。今日一起身開始讀書，讀左幾個鐘，讀完唔知自己讀左咩。總之唔知自己做緊咩。頭先沖涼果陣醒起，我無將今日交比神。所以我一沖完涼就祈禱靈修。見到塑造主生命入面果句：你將會愈來愈像耶穌。

我尋日果篇打左話我會陪一個朋友。我因為陪果個朋友所以夜返屋企。今日阿媽全日唔同我講野。我因為見到書入面果句，我問自己，如果係耶穌，佢會唔會為左陪朋友而夜返屋企，同時影響到屋企人情緒。佢如果遇到今日咁ＧＥ情況，又會黠做？我知佢會選擇同媽講和。所以我祈左個禱走左出去主動問阿媽。我問極佢都唔肯講。我覺得超無奈。我想真係解決件事，但係佢就偏偏咁ＧＥ態度。總之勁唔知想點咁。所以我忍唔住走返入房發脾氣。我真係唔記得左我有幾耐無發過脾氣。總之今次我真係完全處理唔到件事。我知我夜返唔好，都知佢介意我太重朋友。但係我覺得無必要連我想同佢心平氣和解決問題，佢都咁ＧＥ態度。佢其實好明白我點解咁為朋友。我咩都同佢講，佢明白我對人地付出ＧＥ心。唉。今次咁，我已經唔識再形容。＝　＝可能我只係呢刻心情太差。收筆先。